Haqqımızda

“Business Management School” MMC öz fəailiyyətinə 2015-ci ildən başlamışdır. Azərbaycanda biznes mühitinin sürətli şəkildə inkişafı müxtəlif biznes sahələrində bacarıqlı kadrlara ehtiyac yaratmışdır. Xüsusən də, qlobal şirkətlərlə əməkdaşlıq və qloballaşma nəticəsində baş verən iqtisadi proseslərin bir başa Azərbaycan iqtisadiyyatına təsiri bu yöndəki təlimlərin təşkilini zəruriləşdirmişdir. Bu səbəblədir ki, fəaliyyətimizin əsas istiqaməti Azərbaycan hüdudlarında biznesin inkişafı üçün ehtiyac duyulan ixtisaslara aid yerli və xarici mütəxəssislərin iştirakı ilə təlimlərin təşkil olunması və peşəkar kadrların hazırlanmasında rol oynamaqdır. ABŞ və Avropa ölkələrində son illərdəki iqtisadi artım və bu artıma səbəb olan texnoloji innovasiyalar, bu ölkədəki professional elm mərkəzlərinin mövcudluğunun nəticəsidir. Bizim məqsədimiz də belə bir mərkəzə çevrilə bilmək, həm xarici peşəkarları, həm də son illər xaricdə təhsil alıb öz biliklərini nüfuzlu şirkətlərdə təcrübəyə çevirən gənc yerli kadrlarımızı təlimçi qismində əməkdaşlığa cəlb edərək bilik və təcrübələrini böyük kütlələrlə paylaşmaqlarına imkan yaratmaqdır. Beləliklə Azərbaycanda biznes əməliyyatlarının idarə olunması üzrə kadr çatışmamazlığının aradan qaldırılmasına önemli tövhə vermək imkanımız olacaq.

Missiyamız, adımızdan da bəlli olduğu kimi, biznes menecmenti sahəsində bir bilik mərkəzinə, biznes üzrə idarəetmə məktəbinə çevrilmək, davamlı inkişafa yönəlmiş insanların təcrübə, bilik tələbatlarını peşəkarlıqla qarşılaya bilməkdir.

Vizyonumuz Azərbaycanda ən çox seçilib etibar görən təlim mərkəzinə çevrilməklə yanaşı, regionda da bu sahədə faydalı tərəfdaş kimi etibar qazanaraq fəaliyyət istiqamətlərini digər ölkələrə də yaya bilməkdir.