İnsan Resurslarının İdarə Edilməsi Təlimi

İnsan Resurslarının İdarə Edilməsi Təlimi



“Business Management School” MMC  olaraq "İnsan Resursları" sahəsindəki ən iri həcmli təlimimiz olan, 4 dəfə təşkil edərək uğurla keçirtdiyimiz "İnsan Resurslarının İdarə Edilməsi" təliminə 26 Noyabr 2017-ci il tarixindən etibarən 5-ci dəfə start verəcəyik. 
 

Bu təlimin ən önəmli xüsusiyyəti, İnsan resursları idarəçiliyi üzrə 4 peşəkarın təqdimatında keçirilməsi və İnsan Resurslarının idarə edilməsinə dair bütün funksiyaları əhatə edən 9 modul, 48 saatdan ibarət olmasıdır.

 Təlim kimlər üçün nəzərdə tutulub?

İnsan resurslarının idarə edilməsi sahəsində işləyən rəhbər və mütəxəssislər, eyni zamanda bu sahədə praktiki vərdişlərə yiyələnmək istəyən digər şəxslər.

 Təlimin məqsədi:
Təlimin missiyası şirkətlərdə optimal və effektiv insan resurslarının idarə edilməsi sisteminin qurulması və inkişaf etdirilməsi üçün təlim iştirakçılarına praktiki bilik və vərdişlərin aşılanması, bu sahədə qanunvericiliyin tələblərinin şərhi, həmçinin təcrübədə istifadə metodologiyalarının öyrədilməsidir.

 Tədris dili: Azərbaycan dili   

Modul 1– Müşfiq Əmircanov

Şirkətin təşkilatlanması, İnsan resurslarının idarə edilməsi (İRİE)sisteminin qurulması (8 saat)

1.1. Şirkətin (biznesin) fəaliyyət istiqamətinə, strateji məqsədlərinə və planlarına uyğun olaraq təşkilatlanması

1.2. İnsan Resursları funksiyasının formalaşdırılması və onun ümumi idarəetmədə rolu. İnsan resurslarının dəyişən rolu və bu sahədə beynəlxalq yanaşmalar

1.3. İnsan Resursları funksiyasının məqsəd və hədəfləri, Strateji İnsan resursları idarə etməsi. İR strategiyaların hazırlanması və onun buznes strategiya ilə əlaqələndirilməsi

1.4. İR funksiyasının şirkətdaxili bölmələrlə fəaliyyətinin koordinasiyası

1.5. İR siyasətinin, prosedurlarının formalaşdırılması və inkişaf etdirilməsi

1.6. İR funksiyası daxilində müxtəlif alt funksiyaların (işə qəbul, planlama, təlim və inkişaf, fəaliyyətin idarə olunması,  kompensasiya sisteminin idarə olunması, karyera inkişafı və s.) fəaliyyəti və onların koordinasiyası

1.7. Struktur bölmələrin, o cümlədən İR funksiyasının Əsasnamələrinin hazırlanması

1.9. İR prosedurların, təlimatların, daxili qaydaların hazırlanması, vəzifə təlimatlarının hazırlanması

1.10. İR-da informasiyanın istifadə olunması, hesabatlılıq sisteminin formalaşdırılması

 

Modul 2 – Coşqun İmanquliyev

İnsan resurslarının planlaşdırılması (4 saat)

2.1. İnsan Resurslarının planlaşdırmasının əhəmiyyəti

2.2. İRP-nın Biznes Planındakı yeri

2.3. Sərt və yumşaq (Hard & Soft) planlaşdırma

2.4. Ssenari Planlaşdırılması və PEST yanaşma

2.5. Tələb təklif proqnozu

2.6. İşçi dövriyyəsi indeksi və İRP təsiri

2.7. Nisbət trend analizləri

2.8. Stabillik indeksi

2.9. Davamiyyət indeksi

2.10. Davamiyyətin idarə olunması

2.11. İxtisarların idarəolunması

2.12. İnsan Resurları Planlaşdırılmasından Strateji Planlaşdırılmaya keçid

 

Modul 3 – Şamo Mürşüdov

İşə Qəbul və seçim mərhələləri (10 saat)

3.1. Təşkilat bir sistem kimi

3.1.1. Şirkət daxili insan amilinin təhlili "uğurlu əməkdaşın profili"

3.1.2. Korporativ mədəniyyət peşəkarların cəlb edilməsi üçün bir amildir. Şirkət daxili korporativ

mədəniyyətin təhlili

3.1.3. Namizədlərin axtarışı və seçimi təşkilatda bir biznes prosesidir

3.1.4. Təşkilatda namizəd seçiminin strateji planlaşdırılması

 

3.2. İşə qəbul prosesi

3.2.1. Əsas anlayışlar; reseçinq, rekrutinq, birbaşa axtarış, xedxantinq (head hunting) - üstünlükləri

və mənfi tərəfləri

3.2.2. İşçi axtarışı üçün seçim üsullarının düzgün seçimi

3.2.3. Voronka sistemi

3.2.4. İşə qəbulun proqnozlaşdırılması

3.2.5. Axtarış kanallarının formalaşdırılması, axtarış prosesinin təşkili

3.2.6. Müsahibəyə qədər seçim

3.2.7. Keyfiyyətli müsahibənin keçirilməsi

3.2.8. Müsahibədən sonra namizədin qiymətləndirilməsi

3.2.9. Şirkətin imici üçün insan resursları üzrə mütəxəssisin görəcəyi addımlar

3.2.10. Rekrutinq prosesinin avtomatlaşdırılması texnologiyası


3.3. Axtarış, görüləcək ilkin addımlar

3.3.1. Yaranmış vakansiyaların təhlili

3.3.2. Vakansiya üzrə insan resurslarına sifariş verən birbaşa rəhbərin və şirkətin tələbləri

3.3.3. Vakansiya üzrə düzgün profilin hazırlanması, beynəlxalq təcrübədə istifadə edilən profillərin

hazırlanması qaydaları (soft skills, hard skills)

3.3.4. Namizədin axtarışı üçün şirkət daxili və xarici tələblərin analizi 

3.3.5. Aktual vakansiya üçün namizədlərin operativ axtarışının həyata keçirilməsi yolları (long list)

3.3.6. İş elanlarının hazırlanması

3.3.7. Vakansiyanın yerləşdiriləcəyi və namizədlərin seçimi üçün kanalların düzgün seçimi

3.3.8. Eyni vaxtda yaranmış çoxlu sayda vakansiyalara namizəd axtarışı üçün nə etməli və hansı

səhvlərə yol verilməməli

3.3.9. Şirkətini iş bazarında bir brend olaraq necə formalaşdırmalı və bunu uzun müddətli necə

qoruyub saxlamalı

3.3.10. Aşağı əmək haqqı və ya əmək haqqı təklif olunmayan (faizlə) vakansiyalar üçün namizəd

axtarışını harada aparmaq və namizədləri necə cəlb etmək

3.3.11. Aşağı əmək haqqı ilə daha yüksək tələblərlə namizəd axtarışı zamanı nə etməli və

namizədləri haradan necə tapmalı mexanizimləri

 

3.4. Müsahibəyə hazırlıq

3.4.1. Daxil olan anket bazasında profilə uyğun namizədlərin ilkin seçimi

3.4.2. Anketlər arasında namizədlərin düzgün seçimi üçün əsas qayda

3.4.3. Çoxlu sayda daxil olan anketlərin operativ və keyfiyyətlə seçimi üçün mexanizim

3.4.4. Aktual vakansiya üçün uyğun gəlməyən namizədlərin anketləri ilə nə etməli?

3.4.5. Namizəd bazasının düzgün yaradılması və gələcəkdə necə istifadə edilməli

3.4.6. Müsahibəyə hazırlıq və müsahibədə iştirak edəcək digər məsul şəxslərin hazırlığının təşkili

3.4.7. Müsahibənin həyata keçirilməsi zamanı təşkilatı işlər (buraxılan  səhvlər)

 

3.5. Müsahibə növləri

3.5.1. Yerli bazarda istifadə edilən müsahibə növlərinin praktiki olaraq təhlili ( müsbət və mənfi

tərəfləri)

3.5.2. Beynəlxalq təcrübədə istifadə edilən qeyri standart seçim metodları (müsbət və mənfi tərəfləri)

3.5.3. Vakansiyaların tələblərindən asılı olaraq testlərin hazırlanması (müsbət və mənfi tərəfləri)

3.5.4. Namizədin bilik səviyyəsinin yoxlanılması üçün digər mexanizimlərin tətbiqi

3.5.5. Müsahibənin strukturu

3.5.6. Böyük həcimli layihələrə işçilərin işə qəbulu ( il ərzində 1500-2000 yeni əməkdaş) üçün müasir

sistemlərin tətbiqi və idarə edilməsi

3.5.7. Müsahibə zamanı və sonra namizədi motivasiya etmə texnologiyaları

3.5.8. Müsahibə zamanı vakansiyanın satışını həyata keçirmə texnologiyaları

 

3.6. Namizədlərin düzgün seçimi

3.6.1. Yalanların təyin edilməsi üçün beynəlxalq təcrübədə istifadə edilən keyfiyyətli metodlar

3.6.2. Şirkətin və müsahibə aparan şəxslərin peşəkarlığını göstərəcək addımların atılması

3.6.3. Müsahibə zamanı veriləcək sualların düzgün quruluşu

3.6.4. Veriləcək suallardan asılı olaraq, namizədin qiymətləndirilməsi (buraxılan səhvlərin təhlili)

3.6.5. Müsahibənin düzgün idarəedilməsi

3.6.6. Müsahibə zamanı edilən səhvlər və təhlili

3.6.8. Profildən asılı olaraq tələb olunan kompetensiyaların təyin edilməsi üçün mexanizimlər

3.6.9. Tövsiyə-xassiyətnamə

 

3.7.Müsahibədən sonra

3.7.1. Müsahibənin nəticəsi ilə bağlı qəbul olunan qərarların düzgün təhlili (buraxılan səhvlər)

3.7.2. Qiymətləndirmə blankları

3.7.3. Müsahibə nəticələrinin elektron sistemlə idarə edilməsi

3.7.4. Müsahibə nəticəsində uyğun gəlməyən namizədlər gələcəkdə necə faydalı ola bilər

 

Modul 4 – Şamo Mürşüdov

Adaptasiya sistemi (2 saat)

4.1. Sistemin məqsədi

4.2. Əhatə dairəsi

4.3. Adaptasiya sisteminin formaları

4.4. Adaptasiya sisteminin mərhələləri

4.5. Əməkdaşların kateqoriyaları və onların adaptasiya mərhələsi

4.6. Əməkdaşların gözləntiləri

4.7. Adaptasiya sisteminin qiymətləndirilməsi

 

Modul 5 -  Coşqun İmanquliyev

Xidməti Fəliyyətin İdarəolunması (6 saat)

5.1. XFİ nədir və XFİ sisteminin qurulmasının məqsədləri nədən ibarətdir?

5.2. XFİ tətbiq olunduğu sahələr, digər funksionallıqlarla əlaqəsi

5.3. XFİ sisteminin işləyişi

5.4. XF qiymətləndirilməsi metodları

5.5. SMART Hədəflər

5.6. Kompetensiyaların idarəolunması

5.7. XFİ sisteində çətinliklərin idarə olunması

5.8. Məcburi Paylaşma Metodu

5.9. Geribildirim sistemi

5.10. XF qiymətləndirilməsi nəticələrinin statistik analizi

5.11. XFİ avtomatlaşdırılması

 

Modul 6 -  Coşqun İmanquliyev

Karyeranın idarəolunması (4 saat)

6.1. Karyeranın idarə olunmasının əhəmiyyəti 

6.2. Karyeranın idarəolunmasının digər İR funksionallıqları ilə əlaqəsi

6.3. Fərdi İnkişaf planlarının hazırlanması

6.4. İstedadların idarəolunması

6.5. Performans &Potensialmetodu

6.6. Davamçıların yetişdirilməsi planının idarəolunması

6.7. Strateji vəzifələrin müəyyənləşdirilməsi

6.8. Karyeranın idarəolunmasının avtomatlaşdırılması

 

Modul 7 – Coşqun İmanquliyev

Təlim və inkişaf (4 saat)

7.1. “Təlim” və “inkişaf” anlayışları

7.2. Təlim və inkişafın işçilərin və şirkətin inkişafında rolu;

7.3. Təlim ehtiyaclarının analiz edilməsi;

7.4. Analiz növləri: Təşkilati analiz, əməliyyat analizi, fərdi analiz;

7.5. Analiz metodları;

7.6. Təlim metodları;

7.7. Təlim metodlarının, şirkətlərinin və təlimçilərin seçilməsi;

7.8. Təlim planlarının hazırlanması, həyata keçirilməsi və monitorinqi;

7.9. Təlim effektivliyinin ölçülməsi;

7.10. Kirk Patrick və ROİ analizləri;

7.11. Təlim və inkişafın İnsan Resurslarının digər funksiyaları ilə əlaqəsi;

7.12. Praktiki tapşırıqlar və qrup işləri;

 

Modul 8 -  İlkin Zeynallı 

Məvacib strukturu və məvaciblər üzrə dərəcələndirmə sisteminin qurulması (6 saat)

8.1.Bazarda şirkətin fəaliyyətinə uygun olan vəzifələr üzrə əmək haqqı həddlərinin (min, max və median) müəyyənləşdirilməsi (sorğu hesabatları, elan edilmiş göstəricilər və s. vasitəsi ilə);

8.2.Daxildə obyektiv, xaricdə isə rəqabətə tab gətirən məvacib siyasətinin (siyasətdə qiymətləndirmə dərəcəsi və maaş artımı arasında qarşılıqlı əlaqə, maaş artımını müəyyən edən digər amillər (məsələn, vəzifələr üzrə), maaşlara baxılmanın tezliyi, vəzifə üzrə yüksəlmənin şərt və müddəaları müəyyən edilməklə) formalaşdırılması metodologiyasının hazırlanması;

8.3.Təsdiq olunmuş məvacib strukturuna işçilərin yerləşdirilməsi üçün qiymətləndirilmə meyarlarının müəyyənləşdirilməsi (Staff Assessment);

8.4.Qiymətləndirmə nəticələrinə əsasən bütün heyətin məvacib strukturuna yerləşdirilməsi

8.5.Ranking” metodu

8.6.“HAY” metodu;

8.7.Praktik məşğələlər.

 

Modul 9 -  İlkin Zeynallı 

Mükafat və motivasiya tədbirləri sisteminin qurulması (2 saat)

9.1. MARS modeli (Motivation, Ability, Role Perception, Situational Factors);

9.2. X və Y nəzəriyyələri;

9.3. Daxili və kəna rmotivatorlar;

9.4. Motivasiyanın növləri;

9.5. Maslownun ehtiyacların iyerarxiyası nəzəriyəsi;

9.6. Herzbergin 2 faktor – 2 nəticə nəzəriyyəsi;

9.7. Gözləntilər nəzəriyyəsi;

9.8. Müqayisəlilik/ Nisbilik nəzəriyyəsi;

9.9. Praktik məşğələlər.

Müşfiq Əmircanov (Assoc. CİPD)

Müşfiq Əmircanov, İnsan Resurslarının idarə edilməsi sahəsində çoxşaxəli iş təcrübəsinə malikdir. O, uzun müddətdir ki, İnsan Resursları üzrə müxtəlif funksiyaları icra edir. “DəmirBank” ASC-də ardıcıl olaraq “Əmək Münasibətlərinin Tənzimlənməsi” , “Kadrlar və Əmək haqqı” , “İşə qəbul və seçmə” şöbələrinin rəhbəri vəzifələrində işləyərkən kadr inzibatçılığı (personnel administration) və əmək haqqı (payroll) istiqamətlərinə rəhbərlik etmiş, məşhur SAP HRM proqram təminatının tətbiq edilməsində böyük rolu olmuşdur. Bu zaman Azərbaycan əmək qanunverciliyini və ölkədəki təcrübəni incəliklərinə qədər araşdıraraq, qanunvericilik və biznes tələblərinin formalaşdırılması, kadr və əmək haqqı əməliyyatları üzrə biznes proseslərin hazırlanması və avtomatlaşdırılmasında iştirak etmişdir. Hal-hazırda “AzerGold” QSC-də Kadrlarla iş şöbəsinin rəhbəri vəzifəsində işləyir. Müşfiq Əmircanov İnsan resursları sahəsində ixtisaslaşmış beynəlxalq təşkilatlardan olan CİPD-nin Certificate in Human Resources Management adlı uzunmüddətli sertifikasiya proqramını uğurla bitirərək Associate CİPD səviyyəsinə yiyələnmişdir.

Müşfiq Əmircanov 2008-ci ildə Milli Aviasiya Akademiyasında Beynəlxalq hüquq ixtisası üzrə tam ali təhsili bitirmişdir.

 

Coşqun İmanquliyev (CHRM™)

Coşqun İmanquluyev 2007-ci ildə Qafqaz Universitetində Beynəlxalq Münasibətlər ixtisası üzrə bakalavr dərəcəsini bitirmişdir.

Əmək fəaliyyətinə 2003-cü ildən etibarən Universitetin Daimi İnkişaf Mərkəzində başlamışdır. 10 ilə yaxındır pərakəndə, tikinti, tikinti və gündəlik istehlak məhsullarının istehsalı və satışı sahələrində İnsan Resurslarının idarə olunması üzrə çalışmışdır.

Bir neçə özəl şirkətdə dəyişikliyin idarəolunması,  İnsan Resurslarının İdarə olunması sahəsində konsultasiya xidmətləri aparmış, İdarəetmə auditləri həyata keçirmişdir. O, öz təcrübəsini keçirdiyi təlimlərdə, təqdimatlarda, form və sammitlərdə paylaşmışdır.

Coşqun İmanquluyev hal-hazırda ölkənin ən böyük şirkətlərindən biri olan Gilan Holding FMCG Portfelinin İnsan Resursları Şöbəsinin Rəhbəri vəzifəsində çalışır.

ICALS və CHRM qualifikasiyaları var, Beynəlxalq İdarəetmə və Maliyyə akademiyasının (IABFM) üzvüdür.

 

Şamo Mürşüdov (İCM, AİRP, GCHRM, Assoc CİPD)

Professional iş həyatına 2001-ci ildə "MainStaff" (Moskva) beynəlxalq kadr agentliyində başlayaraq, personalın işə qəbulu və planlaşdırılması üzrə aparıcı mütəxəssis vəzifəsində çalışmışdır. Daha sonra "Development Services Group"-da personalın seçimi və inkişafı bölməsinin rəhbəri vəzifəsində çalışmışdır. Dəfələrlə ölkəmizdə fəaliyyət göstərən bir neçə şirkətlərin, insan resurslarının siyasətinin yenilənməsi və inkişafı üzrə prosedurların yenilənməsi və avtomatlaşdırılması üçün konsultant qismində iştirak etmişdir. Bir neçə universitetlərdə tələbələrə karyera seçimi və inkişafı mövzusunda mühazirəçi qismində çıxış etmişdir. 

Hal hazırda iş fəaliyyətini ölkənin aparıcı sığorta şirkətlərindən biri olan "Atəşgah" SŞ-də layihələr üzrə HR koordinator olaraq davam etdirir. Eyni zamanda işçi məmnunluğu, stimulaşdırma və saxlanılması,motivasiya sistemlərinin yaradılması-tətbiqi, tədbirlərin (teambuilding) təşkilatçısı kimi, konsultant olaraq fəaliyyət göstərir  2011-ci ildə Azərbaycanda ilk dəfə olaraq sığorta sahəsində kütləvi agent şəbəkəsinin yaradılıb idarə edilməsində iştirak edərək, voronka sistemini tətbiq etmişdir.(1 il ərzində 16000 namizədlə müsahibə)

Şamo Mürşüdov həmçinin bir çox beynəlxalq təlim və forumlarda iştirak etmişdir. Ən son olaraq 2016-cı ilin iyul ayında Rusiyada (Soçi) MDB ölkələrinin insan resurslarında çalışan mütəxəssislərin iştirakı ilə keçirilən forumda etmişdir.

Təhsili:

·  Kommersiya Menecment Universiteti (İngiltərə) – Biznes sektorunda insan resurslarının idarə edilməsi

·  Capella University (ABŞ) – HR menecment (Grade-F5 / Beynəlxalq dərəcə)

·  İnsan resursları və onların inkişafı üzrə ixtisaslaşdırılmış institutun üzvü (CIPD-İngiltərə)

·  Rekrutinq mütəxəssislərinin akkreditasiyası üzrə ixtisaslaşdırılmış institutun üzvü (AIRP-İngiltərə)

 

İlkin Zeynallı (CIMA Ad Dip MA)

İlkin Zeynallı 2005-ci ildə iqtisadiyyat və idarəetmə sahəsi üzrə Azərbaycan Dövlət Neft və Sənaye Universitetində bakalavr dərəcəsini (fərqlənmə diplomu ilə), 2007-ci ildə Georgia State University (USA, Atlanta) ilə həmin universitetin birgə layihəsi çərçivəsində biznesin təşkili və idarə edilməsi üzrə magistr dərəcəsini (MBA, fərqlənmə diplomu ilə), 2008-2010-cu illərdə Azərbaycan Respublikası İqtisadiyyat və Sənaye Nazirliyinin İqtisadi İslahatlar Elmi-Tədqiqat İnstitunda doktorantura təsilini, 2011-ci ildə isə idarəetmə uçotu üzrə beynəlxalq ixtisaslaşma dərəcəsini (CIMA Ad Dip MA, distinctive pass) almışdır.

İlkin Zeynallının peşəkar karyerası təlim, inkişaf, təhsil, menecment, inzibati idarəetmə, insan resurslarının idarə edilməsi sahələrini əhatə edir. O, menecment, liderlik, insan resurslarının idarə edilməsi, əmək fəaliyyətinin idarə edilməsi, strateji planlaşdırma, layihələrin edarə edilməsi sahələri üzrə Azərbaycanda aparıcı təlim ekspertlərindən biridir. İlkin Zeynallı 4 ilə yaxın bir müddətdə neft-qaz sektorunda müxtəlif layihələrdə insan resurslarının idarə edilməsi sahəsində, 10 ilə yaxın bir müddətdə isə bank sektorunda inzibati idarəetmə və insan resurslarının idarə edilməsi sahəsində rəhbər vəzifələrdə çalışmışdır. O, hal-hazırda ölkənin aparıcı banklarından biri olan “DəmirBank” ASC-də İnsan Resursları Departamentinin direktoru vəzifəsində çalışır.

İlkin Zeynallı The Manager's Development Program (Leadership & Management Academy, UK), Introduction to Management Workshop (The Chartered Management Institute’s Short Course Program in association with ProSeminar, UK), Leadership and Communication (Meirc Training and Consulting Company, Dubai), Boulder Management Training Program – Financial Management Concentration (3-week full course, Turin – Italy), Environmental and Social Aspects of Business, European Bank for Reconstruction & Development (Baku – Azerbaijan), Security Risk Management Training (World Vision Corporate Security, Bad Kissingen, Germany), HAY Certification Training (HayGroup, Phuket, Thailand) peşəkar təlimlərini almışdır.

 Təlimin ödənişi: 485 manat.


- Təlimin ödəniş haqqını hissələrdən ibarət olmaqla (təlim başlamadan öncə 50%, qalan məbləği isə təlim başa çatana kimi iki hissədən ibarət olmaqla)   etmək mümkündür.

- Təlim ödənişi üçün 3 kateqoriyada endirim nəzərdə tutulmuşdur:

  1. “Business Management School” təlimlərindən məzun olanlar üçün 10 %, müvəffəqiyyət sertifikatı ilə məzun olanlara isə 15 % endirim tətbiq ediləcəkdir.
  2. Korporativ müştərilər üçün; Eyni şirkətdən 2 əməkdaşın iştirakı nəzərdə tutularsa hər birinə 5 %,  3 və daha artıq əməkdaşın iştirakı nəzərdə tutularsa hər birinə 10 % endirim tətbiq ediləcəkdir.
  3. 31 Oktyabr 2017-ci il tarixinə kimi qeydiyyatın rəsmiləşdirənlərin ödənişinə 15 % endirim tətbiq ediləcəkdir.

    Ödənişə daxildir:

- Təlim materialları

- İştirak barədə sertifikat

- Çay – kofe fasiləsi

 Sertifikat: Təlimin ümumi müddətinin 85 %-də iştirak edən hər kəs “iştirakçı” sertifikatı ilə təltif olunacaqdır. Təlim müddətində keçirilən imtahanlarda  yüksək nəticə göstərənlər isə əlavə olaraq “müvəffəqiyyət” sertifikatı ilə mükafatlandırılacaqlar.

"İnsan Resurslarının İdarə Edilməsi Təlimi"nin üstünlükləri nələrdir?

✍ İnsan resurslarının idarəçiliyi üzrə Azərbaycanın müxtəlif sahələrdəki aparıcı şirkətlərində çalışan və uzun illər bu sahədə təcrübəsi olan 4 peşəkarın təqdimatında tədris edilir.

✍ Hər bir peşəkar daha çox ixtisaslaşdıqları modullar üzrə tədris aparırlar.

✍ Təlim "İnsan Resurslarının İdarə Edilməsi" sahəsinin bütün funksiyalarını əhatə edən 9 moduldan ibarətdir. 

✍ 46 saat həcmində olan proqramın intensiv qurulması sayəsində siz təlimi sadəcə 6 həftədə bitirirsiniz. 

✍ Təlimçilərimiz mövzuları ancaq nəzəri olaraq öyrətmirlər. Hər bir mövzunu praktiki qrup çalışmaları ilə işinizdə necə tətbiq edəcəyinizi də öyrənəcəksiniz. 

✍ Mövzular keçildikcə tətbiq edilən imtahanlarla öyrəndikləriniz daha da möhkəmlənəcək. İmtahanlardan yüksək nəticələr əldə etdiyinizdə "Müvəffəqiyyət Sertifikatı" qazanacaqsınız.

✍ Təlim proqramını tam bitirdikdən sonra çalışdığınız müəssisədə İnsan resurslarının idarə edilməsi sistemini quracaq, strateji planlama edə biləcək, işə qəbul və seçim prosesslərində beynəlxalq metodları tətbiq edəcək, adaptasiya proqramını təkmilləşdirəcək, əməkdaşlarınızın xidməti fəaliyyətlərinin qiymətləndirilməsini idarə edəcək, bunun nəticəsində onlar üçün effektli karyera planlaması, təlim və inkişaf planları quracaq,  ədalətli və obyektiv, eyni zamanda əmək bazarında  rəqabətcil məvacib və motivasiya sistemi qura biləcəksiniz. 

✍ Təlim iştirakçılarımız üçüm sosyal şəbəkələrdə qurduğumuz qruplarda hər zaman bu sahədə yaranan suallarınızı müzakirə edib cavab tapma, öyrənməyə davam etmə imkanınız olacaq. Bu təlim həm də sizə səmimi bir dostluq mühütü qazandıracaq. 

✍ "Business Management School" tərəfindən təlim proqramının maksimum effektli olması üçün hər şəraitin yaradılacağının və xüsusi səy göstəriləcəyinin şahidi olacaqsınız.

✍ İnsan Resursları sahəsində indiyə kimi keçirtdiyimiz təlimlərdən məzun  olan 200-dən çox bu sahənin mütəxəssisləri ilə dostluqlar quraraq əlaqələrinizi genişləndirmə imkanı əldə edəcəksiniz.